मावळ प्रतिनिधी – गावच्या विकासासाठी झटणारी माणसं ही कोणत्याही पदापेक्षा आपल्या कामामुळे मोठी ठरतात. शांत स्वभाव, लोकांशी जुळलेली नाळ आणि जबाबदारीची जाणीव या गुणांच्या बळावर समाजात विश्वास निर्माण करणारे टाकवे गावचे पोलीस पाटील अतुल असवले हे त्यापैकीच एक नाव. गावातील प्रश्न असोत, सामाजिक सलोखा टिकवण्याची वेळ असो किंवा प्रशासन आणि नागरिक यांच्यात समन्वय साधण्याची जबाबदारी — अतुल असवले यांनी प्रत्येक भूमिका संयमाने आणि कार्यक्षमतेने निभावत आपली वेगळी ओळख निर्माण केली आहे. त्यांच्या वाढदिवसानिमित्त आज विविध स्तरांतून शुभेच्छांचा वर्षाव होत असून त्यांच्या कार्याचा गौरव केला जात आहे.
मावळ तालुक्यातील टाकवे गावचे पोलीस पाटील म्हणून कार्यरत असलेले अतुल असवले यांनी आपल्या शांत, समंजस आणि अभ्यासू स्वभावामुळे नागरिकांचा विश्वास संपादन केला आहे. पोलीस पाटील ही केवळ पदाची जबाबदारी नसून गाव आणि प्रशासन यांच्यातील महत्त्वाचा दुवा असतो आणि ही भूमिका त्यांनी अत्यंत जबाबदारीने पार पाडली आहे.
सध्या ते मावळ तालुका पोलीस पाटील संघटनेचे उपाध्यक्ष म्हणूनही कार्यरत असून तालुक्यातील पोलीस पाटील यांच्या विविध प्रश्नांसाठी सातत्याने पाठपुरावा करत आहेत. संघटनात्मक पातळीवर काम करताना प्रशासनाशी प्रभावी समन्वय साधणे, पोलीस पाटील यांच्या अडचणी मांडणे तसेच गावपातळीवरील कायदा आणि सुव्यवस्था अधिक सक्षम करण्यासाठी प्रयत्न करणे यामध्ये त्यांचा सक्रिय सहभाग असतो.
गावातील सामाजिक उपक्रम, जनजागृती मोहिमा आणि विविध सार्वजनिक कार्यक्रमांमध्येही ते नेहमी पुढाकार घेताना दिसतात. त्यांच्या मनमिळावू आणि मदतीच्या स्वभावामुळे समाजातील प्रत्येक घटकाशी त्यांचे जिव्हाळ्याचे संबंध निर्माण झाले आहेत.
त्यांच्या वाढदिवसानिमित्त टाकवे गावासह संपूर्ण मावळ तालुक्यातून शुभेच्छांचा वर्षाव होत असून, उत्तम आरोग्य, दीर्घायुष्य आणि त्यांच्या सामाजिक व संघटनात्मक कार्याला भविष्यात अधिक यश लाभावे, अशा भावना व्यक्त केल्या जात आहेत.
