उपमुख्यमंत्री अजितदादा पवार व माजी आमदार रुपलेखाताई ढोरे यांना कार्ला येथे भावपूर्ण श्रद्धांजली
कार्ला: महाराष्ट्र राज्याचे लाडके नेते आणि उपमुख्यमंत्री नामदार अजितदादा पवार यांचे विमान अपघातात झालेले आकस्मिक निधन, तसेच मावळ तालुक्याच्या माजी आमदार रुपलेखाताई ढोरे यांच्या निधनाने संपूर्ण राज्यावर आणि मावळ तालुक्यावर शोककळा पसरली आहे. या दोन्ही महान व्यक्तिमत्त्वांना संत रोहिदास तरुण मंडळ, कार्ला यांच्या वतीने अत्यंत जड अंतःकरणाने आणि भावपूर्ण वातावरणात श्रद्धांजली अर्पण करण्यात आली.
काल झालेल्या या दुर्दैवी घटनेने महाराष्ट्राच्या राजकारणातील एक धडाडीचे पर्व संपले आहे. अजितदादा पवार यांच्या प्रशासकीय कौशल्याची आणि विकासात्मक दृष्टीची उणीव राज्याला कायम भासेल, अशा भावना यावेळी व्यक्त करण्यात आल्या. तसेच, मावळच्या विकासात मोलाचे योगदान देणाऱ्या माजी आमदार रुपलेखाताई ढोरे यांच्या निधनाने तालुक्याने एक खंबीर नेतृत्व गमावल्याचे दुःख ग्रामस्थांनी व्यक्त केले.
संत रोहिदास तरुण मंडळाच्या वतीने आयोजित या शोकसभेत मंडळाचे पदाधिकारी, कार्यकर्ते आणि कार्ला परिसरातील नागरिक मोठ्या संख्येने उपस्थित होते. यावेळी:
दोन्ही नेत्यांच्या कार्याचे स्मरण करून त्यांना मौन पाळून आदरांजली वाहण्यात आली.अजितदादांचे कार्य आणि ताईंचे जनसंपर्क कौशल्य हे नेहमीच कार्यकर्त्यांसाठी प्रेरणादायी राहील,” अशा शब्दांत आपल्या भावना मांडल्या.परमेश्वर त्यांच्या आत्म्यास शांती देवो आणि त्यांच्या परिवाराला या दुःखातून सावरण्याची शक्ती देवो, अशी प्रार्थना करण्यात आली.
“महाराष्ट्राच्या विकासाचा बुलंद आवाज हरपला असून, मावळच्या मातीने आपली लाडकी लेक गमावली आहे. या दोन्ही नेत्यांचे निधन ही कधीही न भरून निघणारी हानी आहे.”
– दिनेश जाधव,अध्यक्ष संत रोहिदास भवन ट्रस्ट मावळ
