वडेश्वरचे माजी सरपंच गुलाब गभाले यांना मातृशोक श्रीमती बनाबाई बबन गभाले यांचे निधन

मावळ, गभालेवाडी (माऊ) – वडेश्वर ग्रामपंचायतीचे माजी आदर्श सरपंच गुलाबराव गभाले यांच्या मातोश्री श्रीमती बनाबाई बबन गभाले (वय अंदाजे 82) यांचे आज सकाळी ११.३० वाजता हृदयविकाराच्या झटक्याने दुःखद निधन झाले. त्यांच्या निधनाने गभालेवाडी तसेच मावळ परिसरात शोककळा पसरली आहे. समाजप्रिय, शांत स्वभावाची व कुटुंबवत्सल अशी त्यांची ओळख होती.

त्यांचा अंत्यविधी आज सायंकाळी ५ वाजता वैकुंठ स्मशानभूमी, गभालेवाडी (माऊ) येथे पार पडणार आहे. अंत्ययात्रेसाठी नातेवाईक, मित्रपरिवार व गावकरी मोठ्या संख्येने उपस्थित राहण्याची शक्यता आहे.

श्रीमती बनाबाई गभाले यांच्या निधनामुळे गावातील एक आदर्श माता व ज्येष्ठ व्यक्तिमत्त्व हरपल्याची भावना ग्रामस्थांनी व्यक्त केली.ईश्वरचरणी प्रार्थना की त्यांच्या आत्म्यास चिरशांती लाभो.

शोकाकुल -श्री. गबळू बबन गभाले,श्री. गुलाबराव बबन गभाले (मा. आदर्श सरपंच),श्री. सुभाष बबन गभाले,समस्त गभाले परिवार