🩺 टाकवे येथे ‘एकविरा हॉस्पिटल’मध्ये ईएनटी तज्ज्ञांची विशेष सेवा; दर दुसऱ्या-चौथ्या रविवारी रुग्णांना लाभ

टाकवे (प्रतिनिधी) – ग्रामीण भागातील नागरिकांना कान, नाक आणि घसा (ईएनटी) संबंधी आजारांवर दर्जेदार व तज्ज्ञ उपचार मिळावेत यासाठी टाकवे येथील एकविरा हॉस्पिटलमध्ये सुप्रसिद्ध ईएनटी तज्ज्ञ डॉ. माधव सूर्यवंशी (MBBS, MS ENT) दर महिन्याच्या दुसऱ्या व चौथ्या रविवारी सकाळी ११ ते १ या वेळेत उपलब्ध राहणार आहेत.

या विशेष ओपीडीद्वारे कान, नाक आणि घशाशी संबंधित विविध आजारांचे निदान व उपचार करण्यात येणार असून आवश्यक त्या सर्व शस्त्रक्रियाही (सर्जरी) हॉस्पिटलमध्येच केल्या जाणार आहेत. यामुळे परिसरातील रुग्णांना मोठ्या शहरात जाण्याची गरज कमी होणार आहे.

रुग्णांसाठी उपलब्ध सेवा पुढीलप्रमाणे आहेत –

कान दुखणे, कानातून पाणी येणे, कमी ऐकू येणे, कानाच्या पडद्याचे दुर्बिणीद्वारे ऑपरेशन, हिअरिंग एड (श्रवणयंत्र) उपलब्धता, कानाची दुर्बिणीद्वारे तपासणी, फाटलेला कान शिवणे यांसारख्या उपचारांचा समावेश आहे.

तसेच नाकाशी संबंधित आजारांमध्ये नाकाचे हाड वाढणे, नाकातील मांस वाढणे, श्वास घेण्यास त्रास, नाकातून रक्त येणे, दुर्बिणीद्वारे तपासणी व ऑपरेशन या सेवा उपलब्ध आहेत. घशाशी संबंधित समस्या जसे की गळ्याला सूज, टॉन्सिल ऑपरेशन, अन्न गिळण्यास त्रास, आवाजात बदल, स्वरयंत्रावर सूज, घशात खरखर, सर्दी-खोकला-ताप यांवरही उपचार केले जातात.

याशिवाय डोळ्यातून पाणी जाणे (लासूर), तोंड उघडण्यास त्रास, तोंडात चट्टे उमटणे, एलर्जी तसेच नाक किंवा कानात परकीय वस्तू अडकणे (foreign body) अशा विविध समस्यांवरही तज्ज्ञ सेवा दिली जाणार आहे.रुग्णांनी उपचारासाठी येण्यापूर्वी नाव नोंदणी करणे अनिवार्य असल्याचे हॉस्पिटलकडून सांगण्यात आले आहे. अधिक माहितीसाठी व नोंदणीसाठी ९३०७८६६२७६ / ९७६९४४७७१४ या क्रमांकांवर संपर्क साधावा.ग्रामीण भागात अशा प्रकारची तज्ज्ञ वैद्यकीय सेवा उपलब्ध होणे ही नागरिकांसाठी दिलासादायक बाब ठरत असून या उपक्रमाचे सर्वत्र स्वागत होत आहे.