टाकवे बुद्रुक : महाशिवरात्रीच्या पवित्र पर्वानिमित्त टाकवे बुद्रुक येथील उद्योजक अजित मारुती असवले यांच्या वतीने शिवभक्तांना प्रसादाचे वाटप करण्यात आले. दरवर्षीप्रमाणे यंदाही हा उपक्रम भक्तिभावाने आणि उत्साहपूर्ण वातावरणात पार पडला.
महाशिवरात्रीच्या निमित्ताने मंदिर परिसरात मोठ्या संख्येने भाविकांनी उपस्थिती लावून भगवान शिवाचे दर्शन घेतले. यावेळी अजित असवले यांनी भाविकांचे स्वागत करत प्रसादाचे वितरण केले. या प्रसाद वाटप उपक्रमामुळे भक्तांमध्ये समाधानाचे आणि आनंदाचे वातावरण निर्माण झाले.
समाजातील धार्मिक परंपरा जपत आणि भक्तिभाव वाढविण्याच्या उद्देशाने अजित असवले गेल्या अनेक वर्षांपासून सातत्याने हा उपक्रम राबवत आहेत. त्यांच्या या सामाजिक व धार्मिक उपक्रमाचे ग्रामस्थ आणि शिवभक्तांकडून कौतुक व्यक्त करण्यात येत आहे.
महाशिवरात्रीसारख्या पवित्र दिवशी आयोजित करण्यात आलेल्या या प्रसाद वाटपामुळे गावात भक्तिमय वातावरण निर्माण झाले असून, अशा उपक्रमांमुळे समाजात एकोपा आणि धार्मिक भावना अधिक दृढ होत असल्याची भावना यावेळी ग्रामस्थांनी व्यक्त केली.
