मावळ – वराळे पंचायत समिती गणातील निवडणूक वातावरण चांगलेच रंगात आले असून या गणातील इच्छुक उमेदवार अतुल मराठे यांच्या प्रचाराचा धडाका सुरू झाला आहे. या पार्श्वभूमीवर आमदार सुनील शेळके यांचे खंदे समर्थक म्हणून परिचित असलेले अतुल मराठे यांच्या प्रचार दौऱ्याची आजवरात मोठी चर्चा होताना दिसत आहे. गावागावात होत असलेल्या संपर्क, भेटीगाठी, सभा व संवाद यातून मराठे यांना सर्व घटकांकडून भरभक्कम समर्थन मिळत असल्याचे चित्र निर्माण झाले आहे. विशेष म्हणजे माता-भगिनी आणि युवकांचा उत्स्फूर्त सहभाग हा प्रचाराचा मुख्य आकर्षण ठरत आहे.
गेल्या काही वर्षांत मावळ तालुक्याच्या सर्वांगीण विकासासाठी आमदार सुनील शेळके यांनी अनेक महत्त्वाचे प्रकल्प राबविले. शेतकऱ्यांसाठी विविध योजनांची प्रभावी अंमलबजावणी, रस्ते-विकास, जलसंधारण, पाणीपुरवठा या सोबतच शिक्षण व आरोग्य क्षेत्रात केलेल्या कार्यामुळे जनमानसात विश्वासाचे भक्कम वातावरण तयार झाले आहे. या कार्याचे सर्वसामान्य जनतेपर्यंत प्रभावीपणे पोहोचविण्याची जबाबदारी स्थानिक कार्यकर्त्यांनी उचलली असून त्यात अतुल मराठे यांचा सहभाग लक्षणीय ठरत आहे.
प्रचार दौऱ्यादरम्यान मराठे यांनी गावानुसार नागरिकांशी संवाद साधत त्यांच्या अडचणी, अपेक्षा आणि विकासाबाबतचे मुद्दे शांतपणे ऐकून घेतले. अनेक ठिकाणी महिलांनी पुढाकार घेऊन मराठे यांचे स्वागत केले तर युवकांनी मोठ्या संख्येने उपस्थित राहून भविष्यातील विकास नियोजनाबाबत चर्चाही केली. “राजकारण म्हणजे फक्त निवडणूक नाही, तर लोकांच्या जगण्यात बदल घडविणे ही खरी जबाबदारी आहे. माझा हेतू म्हणजे विकासाची गती वाढवणे,” असे मराठे यांनी सांगितले.
यावेळी नागरिकांनी स्थानिक प्रश्न, पाण्याची सद्यस्थिती, अंतर्गत रस्त्यांचा विकास, समन्यायाच्या योजनांची अंमलबजावणी, युवकांसाठी रोजगारपर उपक्रम आणि महिलांच्या स्वयंसहाय्यता गटांना प्रोत्साहन यांसारख्या मागण्या मांडल्या. यावर सकारात्मक दृष्टीकोनातून लवकरात लवकर तोडगा काढण्याची भूमिका मराठे यांनी स्पष्ट केली.
प्रचाराच्या दरम्यान एक गोष्ट विशेष लक्षवेधी ठरली ती म्हणजे गावातील तरुण वर्गाचा उत्साह. स्वयंप्रेरणेने अनेक युवक प्रचारात सहभागी होत असून सोशल मीडियाच्या माध्यमातून मराठे यांच्या प्रचाराची प्रभावी मोहीम राबवली जात आहे. तसेच माता-भगिनींच्या हृद्य स्वागतामुळे प्रचाराला भावनिक आणि विश्वासाचे बळ मिळत आहे.
एकूणच वराळे पंचायत समिती गणात निवडणूक गतिमान झाली असून अतुल मराठे यांचा प्रचार दौरा हा सध्या चर्चेचा मुख्य विषय ठरत आहे. येत्या दिवसांत प्रचार आणखी जोम धरण्याची शक्यता आहे. मतदारांचा सकारात्मक प्रतिसाद कायम राहिला तर मराठे यांना या निवडणुकीत मजबूत पाठिंबा मिळेल, असा अंदाज राजकीय जाणकार व्यक्त करत आहेत.
